موال شعر بسام منجى

ليه يازمان الجفا
ماتقولى ايه ذنبى
تايه ف ليل الهوى
ما وقفت يوم جنبى
ابكى على اللى انجرح
ولا ابكى على قلبى
وان كان غناكم فرح
دا غنايا من غلبى
يا دنيا ليه البعاد
والمطوح فينا
عرضانا جوة مزاد
على مين ترسينا
تهنا فى ليل الهوى
وتاهت مراسينا
لا لقينا فيها الدوا
وفيها مارسينا
لاحبيب بيمسح دموعنا
ولاحد يواسينا
كسروا الحبايب شراعنا
يامين يرسينا
ياصحبى جاى مجروح
تشكي لى ع اللى فيك
لاقيتنى انا مجروح
تواسينى ولا اواسيك
ياللى جمعنا الالم
والهم والاحزان
ماتقولش مين انظلم
ولا فينا مين غلطان
درب الهوى غدار
ولا كنا فيه فرسان
ولاعنه صارفين نظر
ولا الطريق كملان

يا صاحبي في الجرح لا تبكي الزمان
الشجن نزيف الغدر لا يغادر النسيان
و ان استشرس العتب على الدهر على كل الوجدان
لن يكون درب في الامل إلا في اللامكان
و أشرعة السفينة تتوه عن شواطئ الامان
إجرح الجرح بلا حرج و استقي كوثر النسيان
نعمة الصبر و ارفع كفيك لدعاء رب الانام
الهم مهما تغلغل و تلوى وجعا في عمق الشريان
الأمل زاد الإيمان...و الإرادة عقل الإنسان

مودتي

» ليل الحزن .. للشاعر / بسام منجى
» السنين مش دوا .. للشاعر/ بسام منجى
» إيه يعنى شعر .. للشاعر / بسام منجى
» شبابيك ع البحرى .. للشاعر / بسام منجى