اللحم بالبرقوق

موضوع: اللحم بالبرقوق الخميس 04 مارس 2010, 4:17 am

* المقادير :
2 - كيلو لحم غنمي أو عجل أو بقري
1 – كيلو بصلة مشلضة
- نص كيلو ديال البرقوق "من الأحسن ديال الباكية"
– قبطة ديال القزبور و المعدنوس "مربوطة"
- الملح , لبزار,الزعفران الحر,الخرقوم أو الملون,اسكنجبير,السكر,القرفة+عود ديال القرفة
- الزيت العادي
- زنجلان " للتزيين "
- حفنة ديال اللوز مقلي "للتزيين"

* الطريقة :
فكوكوط ندير لحم الملح+لبزار+ اسكنجبير+زعفران+ البصلة مشلضة +الزيت
انحمر و نقلي كل شي مزيان,انغطي لحم بالما,نرمي ربطة دلقزبور و المعدنوس ونسد الكوكوط و نخليها تطيب
البرقوق نرقدو ساعة فالما باش يرطاب و يتنفخ
نقلي اللوز و نقطرو من الزيت ونخليه للتزيين
نحمر الزنجلان فمقلا
من بعد ساعة ندير البرقوق يتسلق 15 دقيقة حتى يولي فتي و يتنفخ,نخوي لما ديال سليق كامل و نزيد عليه المرقة ديال لحم و نخليه يتشرب البن ديال المرقة و نزيد عليه السكار "سنيدة"+القرفة غبرا, و نعسلو مزيان
منين يطيب لحم ,نعري عليه الكوكوط ونخليها تتقال
نصب لحم فطبسيل كبير+ المرقة خاترة+البرقوق معسل+المرقة لمعسلة ديال من فوق لحم والبرقوق,نزين باللوز مقلي + الزنجلان من فوق البرقوق و لحم.

» طجين العدس مع اللحم
» اللحم تفاية بالبيص واللوز
» طجين اللحم مشرمل بالبطاطس
» طاجين اللحم مقلي بالمشماش يابس
» فوفيلي ديال اللحم بلاكريم فريش والشامبينيو